يازمان العجايب وش بقى ما ظهر

يازمان العجايب وش بقى ما ظهر ؟
كل ما قلت هانت جد علمن جديد !!

اإن حكينا ندمنا وان سكتنــا قهر
بين قلب ٍعطيب وبين خل ٍعنيد

لو تفيد المدامع كان أسيّل نهر
مير كثر التوجد والدمع ما يفيد

أصبر ايام واشهر واتصبر دهر
وان حصلــّي منا تي جيت لوني بعيد

أرجي الله واراقب كل طالع شهر
يجلي الهم عني أوعسى ما يزيد

يا غزال ٍ فضوح الزين عنه اشتهر
في عيوني ملاك ووسط قلبي وحيد

مخطي اللي يشبه وجنتك بالزهر
الزهر ماله رماح ٍ تصيب وتصيد

لو جحدت المحبة سقم حالي جهر
مير ما كل قلب ٍ ياصل اللي يريد

خالد الفيصل

موضوع: موت الوفا الإثنين أكتوبر 27, 2008 8:33 am

[center]رائع في كل شي

واختياراتك اروع [/center]

موت الوفا
لو يبور الملأ ما أحسب حبيبي يبور
وأحسب اني أموت ... ولايموت الوفا
وأحسب انه على هاك المودة ... غيور
ما احسب ان الشعاع .. اللي بقلبه طفا
كيف يانور عينى ... وانت للعين نور
يختفي نور وصلك في ظلام ... الجفا
اثر قلبك على فرقا الولايف جسور

واثر ... طرفك اليا سهرت عيوني غفا
وين هاك الونين ... اللي يشق الصدور
وين هاك الدموع ... اللي تشق الصفا
كل حي ٍ اليادارت لياليه ...يدور
كل قلب اليا ... عفت جروحه عفا
ويل قلب توالت فوق جروحه كسور
كل جرح الهوي ... ياصاحبي ماكفا
التمس لك عذر ... لو كان ما أنت معذور
وان جحدت الموده بان لك ماخفا

هلا بنت السعودية

إضافة موفقة ورائعة

شكرا للمرور الكريم

تحياتي